Шымкенттік еріктілер коронавируспен күресте өз үлестерін қосып, белсенділік танытуда. Бұл ретте еріктілер қала тұрғындарына 25 мыңға жуық бетперде мен балаларға арналған 1 000 аскорбинді қышқыл дәрумендері мен антисептик таратты.Сондай-ақ төтенше жағдай кезінде «Жанға жылу» қайырымдылық акциясы аясында бұған дейін әлеуметтік жағдайы төмен отбасылар мен қарияларға сондай-ақ, мүмкіндігі шектеулі жандарға тұрмысқа қажетті 500 себет азық-түлік өнімдері мен 300 отбасыға киім-кешек үлестірілген. Бірқатар қайырымдылық қорлары мен атымтай жомарт жандар тарапынан 1 тонна тауық еті мен 100 отбасыға азық-түлік себеті таратылды. 4 отбасыға теледидар мен басқа да тұрмыстық техникалар берілді. Сонымен қатар, еріктілер жылына орай 500 волонтерды оқу курсынан өткізіп, арнайы киім үлгісімен қамтамасыз ету жұмыстары жүргізілуде. Аталмыш шараны ұйымдастырушылар қауіпсіздік пен сақтық амалдарын барынша ұстауда.
Г. ҚАПАЛ
