2019 жылдың 16 қазан күні Жанболат Мамай, Төлеген ЖҮКЕЕВ және Сергей ДУВАНОВ жаңа саяси ұйым құратындарын мәлімдеді. Соған сәйкес партияның алдағы жоспарларымен Жанболат Мамайдың өзі бөлісті, деп хабарлайды Qazweek.kz ақпарат агенттігі zhasalash порталына сілтеме жасап.
«Саясаткер Төлеген Тілекұлы мен құқық қорғаушы Сергей Дуванов бізге кеңестерін беріп отырады. Партия жастардікі болады. Қазір көптеген жастармен кездесіп жатырмыз. Қолдаушылар саны көп. «Нұр Отанды» тасталқан етіп жеңетін партия құрамыз», — деді Жанболат Мамай.
Сондай-ақ, сұхбат барысында қуғындағы оппозициялық саясаткер Мұхтар ӘБЛЯЗОВ жайлы айтылды. Халық жазушысы Мұхтар ШАХАНОВПЕН арасындағы қарым-қатынас та сөз болды.
«Алғаш саяси-қоғамдық өмірге М. Шаханов атындағы «Рух пен тіл» клубын құрып араласа бастадық. Біраз қоғамдық жұмыстарды бірге атқардық. Ол кісі жасына байланысты саяси процестерге араласа бастамады. Сондықтан да біз өз жолымызбен кеттік», — деді Ж. Мамай.
https://youtu.be/8rxEKIZxaDI
