Түрікменстанда мемлекеттік қызметкерлер енді жалақысын коммуналдық қызметтерге төлеген соң ғана ала алады, – деп жазады Qazweek.kz ақпараттық порталы CA-News порталына сілтеме жасап.
Жаңа ереже бойынша жергілікті шенеуніктер жалақы алудың алдында коммуналдық қызметтері бойынша қарызы жоқ екенін растайтын анықтама әкелуі тиіс.
Ережеде бюджет қызметкерлері коммуналдық қызметтерді төлегені жайлы анықтама әкелмейінше, шілде мен тамыз айларының жалақысы берілмейтіндігі айтылған. Бірақ, мемлекеттік қызметкерлер, қажетті анықтамаларды жинау үшін біраз уақыт керек болатындығын айтып, талап етілген анықтамаларды алу үшін кем дегенде бір ай қажет және мыңдаған адамға жететін кезекке тұру керек болатындығынайтып шағымдануда.
Дегенмен, басшылық бұл прокуратураның талабы деп түсіндіруде.
