Мәжіліс отырысында Бас прокурор Берік Асылов ҰҚК-нің бұрынғы басшысы Кәрім Мәсімовтің 17 жылға бас бостандығынан айырылуы мүмкін екенін айтты, деп хабарлайды Qazweek.kz ақпарат агенттігі Zakon.kz порталына сілтеме жасап.
Бас прокурор ҰҚК-нің бұрынғы басшысы мен оның үш орынбасарына қатысты қылмыстық іс қозғалғанын атап өтті.
Олар қамауға алынды. Бағасын әділет органдары береді. Бұл қылмыс үшін Қазақстан Республикасының Қылмыстық кодексінде 17 жыл бас бостандығынан айыру көзделген.Берік Асылов
Ол сондай-ақ тергеу әлі жалғасып жатқанын айтты.
8 қаңтарда Кәрім Мәсімов ұсталды — ол мемлекетке опасыздық жасады деген күдікке ілінді.
