Қазақстан Республикасының Сыртқы істер министрі Мұхтар Тілеуберді ведомство өзін-өзі тәуелсіз деп жариялаған Донецк және Луганск халық республикаларындағы жағдайдың шиеленісуіне байланысты Украинадан қазақстандықтарды эвакуациялау жолдарын қарастырып жатқанын айтты, деп хабарлайды Qazweek.kz ақпарат агенттігі Zakon.kz порталына сілтеме жасап.
Киевтегі елшілігіміз қазір толықтай жұмыс істеп тұр. Ол Украинадағы біздің азаматтармен байланыста. Әрине, оларды ықтимал эвакуациялау жолдары қарастырылып жатыр. Сондықтан қандай да бір соғыс қимылдары бола қалған жағдайда азаматтарымыздан Киевтегі елшілікке жедел хабарласуын сұраймыз, – Қазақстан Республикасының Сыртқы істер министрі Мұхтар Тілеуберді
Оның айтуынша, қазақстандық дипломаттар әлі де Украинада.
Біздің дипломаттар әлі де сонда. Бірақ, шынында да, бізде соғыс қимылдары болған жағдайда эвакуациялау жоспарлары бар, – Мұхтар Тілеуберді
