Елордада Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтіп жатыр.
Жұмысқа кіріскеніне 1 ай болған Үкімет басшысы Әлихан Смайылов Президент алдында былтырғы әлеуметтік-экономикалық даму барысын қорытындылап, 2022 жылғы арналған жоспарды таныстырды, деп хабарлайды Qazweek.kz ақпарат агенттігі Экспресс К порталына сілтеме жасап.
Сонымен ел Үкіметі келесі маңызды шараларды қабылдап, орындайтын болды:
- Шикі және тауарлық газдың бағасы 2024 жылғы 1 қаңтарға дейін 2021 жылғы желтоқсандағы мөлшер бойынша бекітіледі.
- Су ресурстарына ұқыпты пайдаланып, суға объективті ақы белгілеу үшін 2023 жылдан бастап суды тұтыну көлемі бойынша жаңа тариф енгізіледі.
- Тиімділікті және жалпы әлеуметтік-экономикалық қайтарымды арттыру үшін мемлекет «Самұрық-Қазына» мен «Бәйтерек» Ұлттық компаниялары түбегейлі реформаланады.
- «Атамекен» Ұлттық кәсіпкерлер палатасын, оның ішінде олардың шағын және орта бизнесті қолдау бойынша жұмыс тиімділігін анықтау үшін талдау жүргізіледі.
- Халықтың эконом кластағы отандық автомобильдерді сатып алуы үшін жеңілдікпен автокредит беру бағдарламасына 100 миллиард теңгеден астам қаражат бөлінеді.
- Медицина қызметкерлерінің мәртебесін арттыру мақсатында оларға арналған әлеуметтік кепілдіктер ұлғайтылып, жалақылары 20-30 пайызға көтеріледі.
- Автокөлік пен ауыл шаруашылығы техникасынана салынатын утилизациялық алым ставкалары айтарлықтай азаяды.
