Куәгерлердің айтуынша жасөспірім пойыз вагонының үстіне шығып суретке түспек болған. Алайда жігіттің мұндай экстремалды әрекеті өліммен аяқталды, деп хабарлайды Qazweek.kz ақпарат агенттігі Azattyq Rýhy порталына сілтеме жасап.
Ақпарат әлеуметтік желілерде 26 жетоқсан күні тараған. Белгілі болғандай, пойыз вагонының үстіне шығып, сэлфи жасамақ болған жасөспірімді тоқ ұрған. Өкінішке қарай, ол оқиға орнында көз жұмған.
«Аталған факті ҚР Қылмыстық кодексінің 344-бабы 2-бөлігі бойынша Тараз станциясындағы Желілік полиция бөлімінің сотқа дейінгі тергеп-тексерудің бірыңғай тізілімінде тіркелді (абайсызда адам өліміне әкеп соққан теміржол көлігі қозғалысының қауіпсіздік қағидаларын бұзу). Тергеу амалдары жүргізіліп жатыр. Бұл іс бойынша басқа ақпарат ҚР Қылмыстық іс жүргізу кодексінің 201-бабының талаптарына сәйкес тергеу мүддесінде жариялауға жатпайды», – деді Көліктегі полиция департаментінің баспасөз қызметі.
