Қарағандылықтар прокурордың балаларын апта сайын спорт кешеніне апаратын прокуратураның қызметтік көлігінің суретін түсіріп алды. Бұл факт бойынша тексеру жүргізіліп жатыр, – деп хабарлайды Qazweek.kz ақпарат агенттігі Tengrinews.kz порталына сілтеме жасап.
Фото Facebook желісінде жарияланды. Автор қызметтік көлік прокурордың балаларын күн сайын Қарағанды қаласының оңтүстік-шығысындағы Гүлдер шағынауданында орналасқан спорт кешеніне апаратынын, көліктің қызметтен тыс басқа мақсаттарға пайдаланылатынын айтады.
“Ал жүргізуші балаларды бір жарым сағат күтеді. Осы іс бойынша тиісті шара қолданыңыздар”, – деп жазады видео авторы.
Қарағанды облысы прокуратурасының баспасөз қызметі бұл суретке қатысты түсініктеме берді. Ведомствоның айтуынша, қазір тексеру жүргізіліп, фото мен видео қандай жағдайда түсірілгені анықталып жатыр.
