Биыл Жосалы, Жалағаш, Тереңөзек, Жақсықылыш кентін газдандыру үшін
республикалық бюджеттен қомақты қаржы бөлінді. Бұл туралы Қызылорда облысының
энергетика және тұрғын үй-коммуналдық шаруашылық басқармасы басшысының міндетін
атқарушы Ерлан Жоламанов мәлімдеді.
«Қазіргі таңда, 400 шақырымға құбыр салынып, бөлінген қаржының 60 пайызы
игерілді. Сондай-ақ, Жақсықылыш кентінің газдандыру жұмыстары маусым айында толық
аяқталды. Бұдан бөлек, 57 шақырымға газ құбыры салынды», – деді Ерлан Ералыұлы.
Сонымен қатар, «Жұмыспен қамту жол картасы» бағдарламасы аясында Қазалы
ауданы Мұратбаев ауылы және Шиелі ауданы Байсын елді мекендеріне ішкі газдандыру
жұмыстары жүруде.