Бүгін Дүниежүзілік қоршаған орта күні. Бұл күн БҰҰ Бас Ассамблеясының шешімімен 1972 жылы бекітілген.
Жыл сайын 5 маусымда атап өтілетін бұл күні Біріккен Ұлттар Ұйымы әлемдегі халықтың назарын қоршаған орта проблемаларына аудартады.
Бүкіләлемдік қоршаған ортаны қорғау күні – көшедегі шеру, велосипедистер парады, «жасыл» концерттер, мектептерде шығармалар мен плакаттар байқауы, ағаш отырғызу, сондай-ақ қалдықты қайта өңдеу науқаны және айналаны тазарту сияқты қызықты шаралар жасалады.
Қазақстан Республикасында бұл шара атап өтіледі және еліміздің әр аймағында түрлі шаралар ұйымдастырылады. Бүгін Президентіміз Қасым-Жомат Тоқеав та қоршаған орта күніне назар аударып, табиғатты қорғау – мемлекеттік маңызы зор іс екендігін жеткізді.
“Бүгін Дүниежүзілік қоршаған орта күні. Биыл бұл шара биологиялық алуан түрлілікті сақтауға арналып отыр. Қазақстанда жан-жануарлардың, құстардың, балықтар мен өсімдіктердің ондаған түрі жойылып кету қаупінің алдында тұр. Табиғатты қорғау – мемлекеттік маңызы зор іс” , – деді Тоқаев.
Бүгін Дүниежүзілік қоршаған орта күні. Биыл бұл шара биологиялық алуан түрлілікті сақтауға арналып отыр. Қазақстанда жан-жануарлардың, құстардың, балықтар мен өсімдіктердің ондаған түрі жойылып кету қаупінің алдында тұр. Табиғатты қорғау – мемлекеттік маңызы зор іс.
— Qasym-Jomart Toqayev (@TokayevKZ) June 5, 2020
Қазақстан Республикасында “Қоршаған ортаны қорғау туралы” Заң 1997 жылы 5 тамызда қабылданған. Осы Заңның негізінде қазіргі күнге шейін түрлі іс-шаралар ұйымдастырылып келеді. Мысалы, 2007 жылы халықаралық актілерге, жаңа стандарттарға сай біздің экологиялық заңнаманы үйлестіріп, мемлекеттік бақылау жүйесін жетілдіруге бағытталған Экологиялық кодекс қабылданды.
Соңғы мәліметтер бойынша, еліміздегі ең лас қалалар: Алматы мен Өскемен.
Сондай-ақ, қоршаған ортаны зиянды заттармен, техногенді қалдықтармен ластайтын кәсіпорындар:
- Батыс Қазақстан мұнай, газ, конденсат кен орындары
- Өскемен қорғасын-мырыш комбинаты
- Өскемен титан-магний комбинаты
- Лениногор полиметалл комбинаты
- Зыряновск полиметалл комбинаты
- Жамбыл суперфосфат заводы
- Жамбыл фосфор заводы
- Балқаш тау-кен комбинаты
- Жезқазған тау-кен комбинаты
- Павлодар алюминий заводы
- Ақтөбе хром қосылыстары мен химия заводы
- Екібастұз энергетикалық кешені
- Қарағанды металлургия заводы
- “Фосфор” Шымкент өндірістік бірлестігі
- Шымкент қорғасын заводы
