Біраз уақыт бұрын Facebook әлеуметтік желісінде Елбасы отбасына байланысты елең еткізетін ақпараттармен бөлісіп жұртты шулатқан Айсұлтан Рахат (Назарбаев) енді қайырымдылыққа бет бұрды. Оның Астанадағы бірнеше үйлерге барып, азық-түлік пен ақша таратып жүргенін көрген жұртшылық бұл ісін қолпаштап, ризашылық білдіруде. Тіпті, Айсұлтанның қолынан азық-түлік алған Сәнді апа оның бұл ісіне алғыс айтып, «Жүрек перзенттері» деген кітап сыйлағанын айтты.
Үйге аяқ асты кіріп келіп, өзін «Алла жіберді» деп айтыпты. «Өте қарапайым, адамның көзіне тік қарайтын жылы жүзінен бір мейірімді байқадым» — дейді, Сәнді апайымыз. Айсұлтанның ішінде не болып жатқанын білмейміз. Өзі оған «Жүрек перзенттері» деп аталатын мына кітабын сыйға беріпті. Қасында атқосшылары көп екен. Қазақша мүлдем білмей ме деп ойлап едім, қазақшаға жетік болмаса да, екі тілде бірдей сөйлеген көрінеді. «Ауыл жақта бір аналар бар еді, соған да баруым керек» деп, Айсұлтан содан көп бөгелмей, қайта кетіп қалыпты.
