Боксшы Қанат Ислам әнші Бахыт Алтайдың бейнебаянына түсті. Клипте танымал боксшының ұлы да бой көрсеткен. Бұл туралы спортшының өзі Instagram парақшасында хабарлады деп жазады Qazweek.kz ақпарат агенттігі KAZ.NUR.KZ порталына сілтеме жасап.
Қанат Исламның сөзінше, бейнебаянда ол өзін сомдаған. Ал ұлы боксшының бала кезін бейнелеген.
“Бахыт Алтайға серіктестік үшін алғыс білдірем! Жекпе-жекке 6 күн қалды! Жақында көрісеміз, достар!” – деп жазды боксшы желіде.
Еске сала кетейік, Қанат Ислам 26 қазан күні намибиялық боксшы Уолтер Каутондоквамен шаршы алаңда кездеседі. Жекпе-жек Алматы қаласында өтеді.
