10 C
Алматы
Бейсенбі, 28 Наурыз 2024
  • Қазақ тілі
  • Русский
  • English
  • Аймақтар

    “Бұл Алматының ғана емес, бүкіл Қазақстанның рейтингін түсіреді” Байбек Сағынтаевтың енгізген өзгерісіне сын айтты

    Nur Otan партиясы төрағасының бірінші орынбасары, Алматының бұрынғы әкімі Бауыржан Байбек Әл-Фараби даңғылы, Саин көшесі және Шығыс айналма автокөлік жолындағы жылдамдық режимі өзгеруіне қатысты пікір білдірді, – деп хабарлайды Qazweek.kz ақпарат агенттігі tengrinews.kz порталына сілтеме жасап.

    Экс-әкім әлеуметтік желілердегі талқылауларды көріп отырғанын айтады. “Менде Twitter және Instagram желілерінде парақшаларым бар, Facebook-ты да оқып отырамын. Кез келген мәселеге түрлі пікірлер айтылады. Әсіресе, ол мәселе адам өмірі мен денсаулығына қатысты болса. Сіздер Алматының адам өліміне әкелген жол-көлік оқиғасы саны жөнінен тек Қазақстан бойынша емес, әлем бойынша да көш бастап тұрғанын білесіздер ме? Бұл Алматының ғана емес, бүкіл Қазақстанның рейтингін түсіреді”, – дейді Байбек.

    “Жылдамдықты азайту жол қауіпсіздігі тиімділігін арттыруға бағытталған басты алты қадамның бірі. Біз кез келген шешім қабылдаған кезде әлемдік тәжірибеге, заманауи трендтерге сүйенетінбіз. Қауіпсіздік – “Алматы 2020″ бағдарламасының басты бағыты. Швецияның тәжірибесіне сүйене отырып, Vision Zero жүйесін енгізе бастадық”.

    “Nur Otan партиясына ауысқаныма екі ай уақыт болып қалды. Бүгінде Алматыны әріптесім Бақытжан Сағынтаев басқарып отыр. Шешімді қабылдайтын да сол, сол аумақ үшін жауап беретін де өзі. Қоғамдық кеңес бар, мәслихат бар. Мұнда қандай да бір ақыл-кеңес беру артық болар деп ойлаймын”, – деді Бауыржан Байбек. 

    Еске салайық, кеше Әл-Фараби мен тағы екі көшеге сағатына 80 жылдамдық режимі қайтарылатыны хабарланған еді. “Осыған байланысты әкімдік әлеуметтің жоғары сұранысын назарға ала отырып, әл-Фараби даңғылы мен Шығыс айналма автокөлік жолына сағатына рұқсат етілген 80 шақырым жылдамдықты қайтару туралы шешім қабылдады. Бұл осы көшелердің бірегей айналма жолына байланысты міндеттеріне сай келеді”, – делінген Алматы әкімдігінің баспасөз релизінде. 

    қатысты посттар

    Мектеп оқушысы жемқорлықпен күресудің елімізде жоқ түрін ойлап тапты

    ШЫМКЕНТ: ҚАЛА ӘКІМІ ВОЛОНТЕРЛАРМЕН КЕЗДЕСТІ

    Фариза

    Ұлы ақынның мерейтойына дайындық басталып кетті

    Пікір қалдыру

    four × one =

    * Используя эту форму, вы соглашаетесь с хранением и обработкой ваших данных на этом веб-сайте.