Заманбек Нұрқаділовтың ұлы Қайрат Нұрқаділов Қапшағай қаласының әкімі болуы үшін тегінен бас тартуды ұсынғанын айтты.
Ол “Уақыт көрсетеді” бағдарламасында Алматы облысының экс-әкімі Амандық Баталов солай сәлемдеме жасағанын еске алды, деп хабарлайды Qazweek.kz ақпарат агенттігі Экспресс К порталына сілтеме жасап.
Заманбек Нұрқаділовтің ұлы бірнеше жыл Алматы қалалық әкімдігі тұрғын үй басқармасының бастығы болған. Кейін қалаға Бауыржан Байбек әкім болып келгенде қызметтен кеткен. Сол кезде Қайраттың достары Алматы облысының әкімі болған Амандық Баталовқа Қапшағай қаласына әкім етіп қойсаңыз деп ұсыныс айтқан екен.
Баталов аламын, бірақ Қайрат тегін өзгертсін депті. Ол өзі шешемнің қолынан шай ішкен адам. Әкем облыс әкімі болғанда, аудан әкімінің орынбасары қызметін атқарған, — дейді Қайрат Нұрқаділов.
Заманбек Нұрқаділовтің ұлы Амандық Баталовтың осылай айтқанына үш куәгер бар деп отыр.
