-5.1 C
Алматы
Бейсенбі, 9 Желтоқсан 2021
  • Қазақ тілі
  • Русский
  • English
  • Қоғам

    Омбудсмен Арон Атабекті толық ақтау жөнінде өтініш түссе, қарайтындарын айтты

    Адам құқықтары жөніндегі уәкіл Эльвира Әзімова бір күн бұрын көз жұмған диссидент, ақын Арон Атабекті толық ақтау жөнінде өтініш түссе, көмектесетінін айтты, деп хабарлайды Qazweek.kz ақпарат агенттігі Азаттық радиосына сілтеме жасап.

    “Заң бойынша шағым беруші немесе оның заңды өкілдері осындай шағым түсіруі мүмкін. Бірінші сол кісілерден арыз болуы керек” деді Эльвира Әзімова Азаттық тілшісіне.

    “Арон Атабектің заңды өкілдерінен шағым түссе қарайсыздар ма?” деген сұраққа ол:

    “Әрине, қараймыз. Өзіміздің құзыретіміз, шамамыз жетпесе де, негізгі консультацияны береміз. Қалай, қайда арыз жіберу керек. Ал негізі мұндай арызды прокуратураның өзіне немесе соттың өзіне де жазуға болады” деді ол. Омбудсмен бұл бойынша басқа сұрақтарды “жазбаша жіберуге” кеңес берді.

    Бір күн бұрын диссидент, ақын Арон Атабек ауруханада көз жұмған. “Шаңырақ оқиғасы” бойынша сотталып, 15 жыл түрмеде отырған Атабек 1 қазанда денсаулығына байланысты қамаудан босатылған. Ол түрмеден орала сала денсаулығы күрт нашарлап, төсек тартып жатып қалған. Диссидент өзіне тағылған айыппен келіспей, жылдар бойы толық ақтауды талап еткен. Жақтастары “ол жазықтан жазықсыз түрмеде 15 жыл отырды, билік оны ашық өткір сыны үшін түрмеге қамады” деп санайды. Ол жуырда түрмеде шыққаннан кейін бір топ белсенді мен саясаткерлер Арон Атабекті қорғау комитетін құрып, халықаралық сотқа шағымданып, Арон Атабектің ісін қайта қарауға қол жеткізуге күш салатынын айтқан.

    Похожие записи

    Түркістанда да Назарбаев даңғылы пайда болды

    “Мешітке 15 минутқа ғана кіруге рұқсат беріледі” Бас мүфти мешітке келудің тәртібін түсіндірді

    Фариза

    Шымкент қаласында 17 жастағы жасөспірім жаппай төбелес нәтижесінде қаза тапты

    Фариза

    Пікір қалдыру

    5 × 1 =

    * Используя эту форму, вы соглашаетесь с хранением и обработкой ваших данных на этом веб-сайте.