Сәрсенбі, 28 Шілде 2021
  • Қазақ тілі
  • Русский
  • English
  • Қоғам

    Қарызға белшесінен батқан қазақстандық жігіт жүрегін сатпақшы

    Ғаламторға қарызынан құтылу үшін ең маңызды дене мүшесін саудаға шығарған қазақстандық азаматтың жасы небәрі 27-де. Ол басында 3 жарым миллион теңге қарызы болғаны үшін осындай қадамға баруға мәжбүр екенін айтады, деп хабарлайды Qazweek.kz ақпарат агенттігі Астана телеарнасына сілтеме жасап.

    Жүрегін жарнамалайтындар өте сирек кездеседі. Бірақ бүйрегін, басқа да ағзасын сатуға ниеттілер көп. Өйткені елімізде донор жетіспейді. Бір ғана Нұр-Сұлтан қаласындағы кардиохирургия орталығында 100-ден астам адам кезекте тұр. Жауқазынның өмірі 5 жылдан бері жасанды жүрекке тәуелді. Ол темір жүрегін иығындағы қара сөмкесіне салып 24 сағат бойы қызғыштай қорып жүреді. Өйткені қуаты бітсе, не су тисе, тіпті бір жері бүлініп қалса, аппарат қызметін кілт тоқтатуы мүмкін.

    Жауқазын ЗЕЙНУЛЛАЕВА, НҰР-СҰЛТАН ҚАЛАСЫНЫҢ ТҰРҒЫНЫ:

    – 5 жыл болды осы аппаратпен жүргеніме, аппараттың салмағы 3 кг. Круглосуточно менімен бірге, өйткені мына кабель арқылы жүрегімде орналасқан.

    Жауқазын сияқты жүрегін алмастырғысы келетіндер, ел бойынша 3 мыңнан асады екен. Бірақ донар тапшы. Ғаламтордағы қара нарықта бүйрек сататындардан көз сүрінеді. Тіпті жүрегін саудаға қойған адамды да таптық. Айтуынша 3 жарым миллион теңге қарызын жабу үшін, осындай қадамға баруға мәжбүр болған. Бірақ бұл әрекетінен жақындары бейхабар екенін айтады.

    ДОНОР:

    – 27-демін, әңгіме қателікте емес, тек менің зияным басқаларға тиіп жатыр да, менің әжеме, мамама, інім бар, қарындасым бар. Өтірік сөйлемей-ақ қояйын, қарызым болған соң істеп отырмын, едәуір қарызым барда. Қара: мен егер оны төлемесем сотталуым мүмкін, түсініп жатырсың ба, сотталғанннан гөрі оны сатқаным жақсы.

    Ұлттық ғылыми кардиохирургия орталығының өкілдері тірі адамнан жүрек алуға заң бойынша тыйым салынғанын айтты. Тіпті мәйіттің өзінен алу үшін туыстарының рұқсаты маңызды деді. Дегенмен донор мәселесінің әлі күнге шешілмей келе жатқанына мамандар да алаңдаулы.

    Гүлжан МЫРЗАХМЕТОВА, ҰЛТТЫҚ ҒЫЛЫМИ КАРДИОХИРУРГИЯ ОРТАЛЫҒЫНЫҢ КАРДИОЛОГ МАМАНЫ:

    – Қазақстанда донорлықты көтеруіміз керек. Мұқтаж адамдарға көмек беруіміз керек. Қазір бізде медицина өте жақсы дамыған. Бізде барлық жағдай жасалған. Егер донор болса біз неше түрлі санаттағы күрделі оталарды жасауға дайынбыз.

    Жалпы ел ішінде бүгінге дейін 81 мәйіттік донордың ағзасын салу отасы жасалған. Мұндай донорлыққа 2009 жылы заң жүзінде рұқсат етілді.

    Похожие записи

    “Кінәлі адамның атын айтып хат қалдырған”: Көкшетауда университет қызметкері асылып қалған күйінде табылды

    Фариза

    Мақтаарал ауруханаларында Сovid-19 инфекциясымен ауырған науқас жоқ

    Фариза

    ЛОНДОНДАҒЫ ҚАЗАҚТАР. КАРИНА БЕКТҰР ҒЫЛЫМИ ҚЫЗМЕТ ПЕН ОТБАСЫЛЫҚ ӨМІРДІ ҚАТАР АЛЫП ЖҮРУ ЖАЙЫНДА

    Пікір қалдыру

    2 × 4 =

    * Используя эту форму, вы соглашаетесь с хранением и обработкой ваших данных на этом веб-сайте.