Өткен демалыс күндері санитар дәрігерлер “жағажайға кіруге тыйым салынады” деген тақтайшалар тұрған Бурабай және Зеренді курорт аймақтарының (Ақмола облысы) жағажайларында жүздеген демалушыларды анықтады, – деп хабарлайды Qazweek.kz ақпарат агенттігі 716.kz порталына сілтеме жасап.
Басылымның мәліметінше, мұнда демалушылар карантин болса да жиналған. Сондай-ақ, олардың қашықтық сақтамағаны айтылады.
“Олар карантиндік шектеу шараларын ұнатпайды. Алайда індетке қарсы іс-шараларды орындамау нәтижесінде жұқтырғандар саны көбейген кезде олар санитар қызмет пен ел басшылығын қайта сынға алады”, – делінген мақалада.
