Шымкент қаласы Полиция департаменті Абай ауданы Полиция
басқармасының қызметкерлері коронавирус инфекциясының таралуының
алдын алу мақсатында профилактикалық және түсіндіру жұмыстарын
жүргізді.
Олар тұрғындар мен қоғамдық көлік ішіндегі жолаушылар мен
жүргізушілерге медициналық маскалар мен қолғаптар таратты.
Тұрғындарға санитарлық талаптарды қатаң сақтау қажеттілігін ескертіп,
адамдар көп жиналатын жерлерге мейлінше бармау керектігін түсіндірді.
Еңбекші ауданында 122 нысан карантинге жабылды
Ал, қалада эпид ахуал күрделі. Бір ғана Еңбекші ауданында 122 нысан
карантинге жабылған. Бұл туралы бүгін аудан әкімі Ғалымжан Ілиясов
мәлімдеді.
Карантин ошақтары күн сайын залалсыздандырылып отырады. Мобильді топ
күн сайын аудандағы төтенше жағдайдан кейін іске қосылған кәсіпкерлік
нысандарды аралап шығып, санитарлық талаптардың сақталуын
қадағалайды.
Салаға жауаптылар аудандағы кафе-ресторандарда жұмыс уақытының
сақталмайтынын айтады. Түнгі сағат 23:00 ге дейін қызмет көрсетуге рұқсат
алған бизнес өкілдері түн жарымға дейін жұмысын жалғастырып,
шектеулерді ескермейді екен. Бір күннің өзінде мамандар оншақты хаттама
толтырып, ескерту жасайды.
Г. ҚАПАЛ
