Елордада «КамАЗ» жүк көлігі жолаушылар автобусын соқты, деп хабарлайды Qazweek.kz ақпарат агенттігі Azattyq Rýhy порталына сілтеме жасап.
«29 мамыр күні «КамАЗ» жүк көлігін басқарып келе жатқан 1994 жылғы азамат Ақжол көшесінің бойында рөлге ие бола алмай, жолдың қарсы бетіне шығып кеткен. Жүк көлігі «МАН» маркалы автобуспен соқтығысқан. Жол апатынан автобустың 13 жолаушысы зардап шегіп, медицина мекемелеріне жеткізілді. Қазіргі уақытта екі жолаушының сүйегі сынғаны, қалғандары түрлі деңгейде жарақат алғаны белгілі болды», – деп жазылған хабарламада.
Аталған факті бойынша сотқа дейінгі тергеу жүргізіліп жатыр. Оқиғаның мән-жайы анықталады.
