Еске сала кетейік, кеше, яғни 25 мамырда Алматы маңында таңғы сағат 05:26-да блок-бекеттердің бірін бұзып өтпекші болған мас жүргізуші полиция көлігін соғып, соның салдарынан екі полиция қызметкері көз жұмған болатын. Ал бір полиция қызметері ауыр халде жатыр.
Осы ретте Мемлекет басшысының жарлығымен Алматыдағы блок-бекетте апат кезінде көз жұмған екі полиция қызметкері мемлекеттік наградалармен марапатталды.
«Қызметтік борышын үлгілі атқарғаны, құқық тәртібін қамтамасыз етуге белсене қатысқаны үшін ІІ дәрежелі «Айбын» орденімен Жанғазиев Жарас Сұлтанғалиұлы (марқұм) – Ішкі істер министрлігі Алматы қаласының Полиция департаменті Патрульдік полиция полкінің қызмет инспекторы, ІІІ дәрежелі «Айбын» орденімен Абдықанов Дастан Маратжанұлы (марқұм) – Ішкі істер министрлігі Алматы қаласының Полиция департаменті Патрульдік полиция полкінің полицейі наградталсын», – делінген мәтінде.
Айта кетейік, блок-бекетте 2 полицейдің өмірін қиған жүргізуші 6 жыл құқық қорғау органында жұмыс істеген. Бұл туралы Алматы қалалық Полиция департаментінің бастығы Қанат Таймерденов мәлімдеді.
