12 C
Алматы
Жұма, 29 Наурыз 2024
  • Қазақ тілі
  • Русский
  • English
  • Билік және саясат

    Қазақстандықтарға Алматыға кіру және шығу үшін 72 сағат берілді

    Алматылықтарға Алматыға оралу үшін, ал басқа қала тұрғындары мен шетелдіктерге оңтүстік астанадан шығу үшін 72 сағат берілді. Бұл туралы Алматы қаласы әкімінің бірінші орынбасары Ерлан Қожағапанов бүгін, онлайн брифингте мәлімдеді деп хабарлайды Qazweek.kz ақпарат агенттігі KAZ.NUR.KZ порталына сілтеме жасап.

    Әкім орынбасары азық-түлік нысандарын алмағанда, сауда нысандарының қызметі карантинге байланысты уақытша тоқтатылатынын хабарлады. Азық-түлік пен басқа да қажетті заттарды жеткізу үшін санитарлық өңдеуден өткен транспорт және қызметкерлермен қамтылған жасыл дәліз ұйымдастырылады.

    “Қалаға кіру және шығуға, соның ішінде қалаға сырттан кіріп жұмыс істейтін тұрғындарға да тыйым салынған. Қала тұрғындары мен көлік құралдарының қозғалысына шектеу жоқ. Қоғамдық көлік пен метро штатты режимде жұмыс істейді. Жолаушылар санының азаюына байланысты қозғалыс интервалы 20%-ға қысқартылады”, – деді Қожағапанов.

    Ол алматылықтардың қалаға оралуы үшін, сондай-ақ басқа қала тұрғындары мен шетелдіктердің шаһардан шығып кетуге 72 сағат уақыты бар екенін айтты.

    Естеріңізге сала кетейік, бүгін түнгі сағат 00:00-де Алматы мен Нұр-Сұлтан қалалары карантинге жабылады. Бұл вирустың Қазақстанның басқа да қалаларына таралуына жол бермес үшін жасалып жатыр.

    Қала сыртында тұратын тұрғындар арнайы рұқсат қағазынсыз шаһар ішіне кіре алмайды. Ал рұқсат қағазын жергілікті әкімдіктер беруі тиіс.

    Соңғы мәліметтерге сәйкес, елімізде 35 адамның коронавирус жұқтырғаны анықталды. Науқастардың 17-і Алматыда болса, 18-і Нұр-Сұлтанда.

    Сондай-ақ, бүгін Алматы қоғамдық денсаулық сақтау басқармасы оңтүстік астанадағы науқастардың жағдайы қанағаттанарлық екенін айтты.

    қатысты посттар

    Бердібек Сапарбаев: Екі сиыр түгілі біреуімен де күн көруге болады

    Тоқаев Мұхтар Жәкішевке қатысты мәселеге пікір білдірді

    Фариза

    Қытай елшісі: Митингті Тоқаевтың Қытайға сапары қарсаңында әдейі ұйымдастырып отыр

    Фариза

    Пікір қалдыру

    3 × four =

    * Используя эту форму, вы соглашаетесь с хранением и обработкой ваших данных на этом веб-сайте.