Елімізге танымал режиссер Рүстем Әбдірашевтің кенже ұлы Ақназар оқыс жағдайда қайтыс болды. Бұл жайында Qazweek.kz ақпарат агенттігі Шәкен Айманов атындағы “Қазақфильм” киностудиясының баспасөз қызметіне сілтеме жасап хабарлайды.
“Шәкен Айманов атындағы “Қазақфильм” киностудиясы белгілі кинорежиссер, Қазақстанның еңбек сіңірген қайраткері Рүстем Әбдірашевке және оның отбасына ұлы Ақназардың оқыс жағдайда қайтыс болуына байланысты қайғысына ортақтасып, көңіл айтады. Періштенің жаны пейіште шалқысын”, – делінген киностудияның Facebook желісіндегі парақшасында.
