Соңғы уақытта шоу-бизнесте аты жиі “қара тізімге” ілініп жүрген Кәмшат Жолдыбаева тағы да көптің ашуын туғызды. Бұл жолы әнші “ашық образымен” киіз үйдің ішінде билеген, деп хабарлайды Qazweek.kz ақпарат агенттігі Ernur.kz порталына сілтеме жасап.
Көптің қызу талқысына түскен видео Instagram желісіндегі @timonmusic парақшасында жарияланды.
https://www.instagram.com/p/B173ZLBhyn1/?utm_source=ig_web_copy_link
Видеодан киіз үйдің ішінде қысқа көйлекпен жүрген әншінің музыка әуенімен би қимылдарын жасағанын байқауға болады. Кәмшаттың ерсі қылығы желі қолданушыларының сынына қалды.
“Киелі киіз үйдің ішінде іш киіммен билегенді қай қазақтан көрдің, Камшат?”, “Сен өте жақсы әншісің, бірақ, қазақтың киелі киіз үйінде қысқа киіммен билегенің дұрыс емес”, “Мына жүрісің бүкіл әулетіңе, бүкіл Қазақстанға жақсылық әкелмейді”, – деп жазды ашуға ерік берген оқырмандар.
Ал, kol_oner_satpaev_kalasy аккаунтындағы оқырман әншіні ақтап, пікір қалдырыпты. Ол “Сәтпаев қаласындағы образы. Ол шахтерлар күнінде қонақтарды киіз үйдің ішінде күтті. Кәмшат киіз үйдің ішінде боламын деп ойламаған болар. Ол шын мәнінде жаман қыз емес. Ол – әнші”, – деп жазады ол.
