Геннадий Головкин өзін ресейлік деп атаған американдық журналистердің қатесін түзетті деп жазады Qazweek.kz ақпарат агенттігі Sports.kz порталына сілтеме жасап.
Келеңсіз оқиға Fox News радиосындағы The Ashley Webster Experience бағдаралмасы барысында орын алған.
Головкиннің журналистерге сұхбат беру сәтінде жүргізушілердің бірі: «Ресейлік боксшылар өте мықты…», – деп айтып қалған.
Осы кезде GGG ондай ешкімді танымайтынын алға тартқанда, бағдарлама тізгінін ұстаушы “ол сен” деп жауап берген.
«Мен ресейлік боксшы емеспін, мен Қазақстан тумасымын. Бұл Ресей емес!», – деген Головкин бірден қарсылық білдірген.
Журналист «Бірақ сен Кеңес Одағы…», – дей берген кезде GGG: «Бұл тым ертеде болған», – деп қысқа жауаппен қайырған.
