12 C
Алматы
Жұма, 29 Наурыз 2024
  • Қазақ тілі
  • Русский
  • English
  • Жаңалықтар

    Намазхан әкесі үшін шағымданған балаға әкім жауап берді

    Ақтөбе облысына қарасты Темір ауданының әкімі Жолдас Қалмағамбетов әлеуметтік желіні белсенді қолданатын әкімдердің бірі. Шенді ауыл тұрғындарының сауалын жауапсыз қалдырмайды. Бұл жолы әкімнің Instagram парақшасына мектеп оқушысы хат жазған деп хабарлайды Qazweek.kz ақпарат агенттігі KAZ.NUR.KZ порталына сілтеме жасап.

    Әкесі қатты дін ұстанатынын айтқан оқушы аудан басшысынан көмек сұраған.

    «Аға сізді Instagram-дағы сұрақтарға жауап береді деген соң жазып едім. Оныншы классқа көшемін.

    Бес жыл бойы әкемнен үйреніп, намаздамын. Өзіңізді екі рет намазда көрдім.

    Әкем әдеби, басқа да кітаптарды оқытпайды. Тек “Құран кәрімді оқы, бар білім сонда” деп айтады. Не істеймін?

    Дизайнер болуды армандаймын. Әкем оны «харам» дейді. Ақыл айтыңызшы», -деген оқушы хатында.

    Аудан әкімі Жолдас Қалмағамбетов өз жауабын да әлеуметтік желіге жүктеп, мұсылман балаларын білім үйренуге шақырған.

    «Қадірлі жас дос! Сіздің оқу, білімге, өнерге деген құштарлығыңызға қатты қуанып отырмын. Қазақ әр баласын жеті өнер де аз деп тәрбиелеген. Себебі өнер мен білім азаматтың ғұмырлық азығы.

    Білім – біздің ата дінімізде де ерекше бағаланады, қасиетті кітабымыз да Жаратқаннан алдымен оқу деген сөздермен бастап түскен.

    Бірақ, тек діни біліммен біз алысқа бармаймыз. Заман – білімдінің қолында. Ислам қауымының көп артта қалуының да сыры сол өнер, білімге ұмтылмауында жатыр.

    Саған бос уақытымда бірнеше мысалдар келтіремін. Соның алғашқысы: Исламды алғаш таныған араб елдерінде (Египет, Саудия, Морокко, Мавритания т.б.) 430 млн халық тұрады. Бұны қойсақ, 1,6 млрд халық – мұсылмандар.

    Осының бәрі жабылып ерте жастан баласын ғылымға тәрбиелейтін, қазір 8 млн ғана халқы бар Израильге шамасы келіп отыр ма? Жоқ!

    Бауырым, балам, біз айтқан кемшілікті түзер қазақ, барша мұсылман мақтан етер азамат болғың келсе – оқы!», – деген Темір ауданының әкімі.

    https://www.instagram.com/p/B1W1AAiB73t/?utm_source=ig_web_copy_link

    қатысты посттар

    ОБЛЫС ОРТАЛЫҒЫНДАҒЫ АУРУХАНАЛАРҒА ӨКПЕНІ ЖАСАНДЫ ТЫНЫСТАНДЫРУ АППАРАТЫ МЕН ОТТЕГІ КОНЦЕНТРАТОРЫ СЫЙҒА ТАРТЫЛДЫ

    Фариза

    ЖАҢАРТЫЛАТЫН ЭНЕРГИЯ КӨЗДЕРІ: АҢЫЗ БА, АҚИҚАТ ПА?

    Фариза

    Уәлибек: Биліктегілер қанша адам өлетінін біледі екен, неге аты-жөнімен айта салмайды, дайын жүретін едік

    Фариза

    Пікір қалдыру

    9 − 1 =

    * Используя эту форму, вы соглашаетесь с хранением и обработкой ваших данных на этом веб-сайте.