7 C
Алматы
Сейсенбі, 27 Қазан 2020
  • Қазақ тілі
  • Русский
  • English
  • Аймақтар Билік және саясат

    Арыс қаласына Жамбыл облыстық мәслихат депутаттары келді

    Бүгін Арыс қаласына Жамбыл облыстық мәслихатттың хатшысы Бағлан Қарашолақов бастаған мәслихат депутаттары, Қоғамдық және Ақсақалдар кеңесінің төрағалары мен мүшелері арнайы келіп, қаланы қалпына келтіру шараларымен танысты. Олар орын алған төтенше жағдайдың зардаптарын жою бойынша облыс штабының жұмыстарын көзбен көріп, өңірге тиесілі 3-сектордағы құрылыс барысын жан-жақты барлады. Сондай-ақ, сапар барысында халық қалаулылары жергілікті тұрғындармен кездесіп, хал-жағдай сұрасып, мал сойып, құдайы таратты.

    Айта кетейік, бүгінде Арыс қаласын қалпына келтіру шаралары қарқынды атқарылуда десек, ондағы жамбылдық құрылысшылардың жұмысы жемісті деуге толық негіз бар. Нәтижесінде, бүгінде облысқа тиесілі бөліністегі 190 жеке тұрғын үйді толығымен жөндеп, пайдалануға беріп үлгерді. Ал, 120 үй бойынша қалпына келтіру жұмыстары үздіксіз жүргізілуде. Онда 4 мердігер мекеменің 500-ден астам құрылысшысы еңбек етуде. Барлығы 20-дан астам техника жұмылдырылған.

    Еске сала кетейік, Арыс қаласын қалпына келтіруге бағытталған Жамбыл облысының штабына қарасты 3-секторға 11 көше бекітілген. Онда 312 жеке тұрғын үймен бірге 14 әлеуметтік және коммерциялық нысан бары анықталған. Зерделеуден өткен жеке тұрғын үйдің барлығының ақау актілері толтырылып, сметалау жұмыстары жасалған. Қираған 3 үйдің екеуі басынан бой көтеріп, біреуі толық жаңғыртылатын болады. Қалған үйлерге күрделі жөндеу жұмыстарын жүргізу жоспарланған.

    Похожие записи

    ШЫМКЕНТ: МҰРАТ ӘЙТЕНОВ ИНФЕКЦИЯЛЫҚ ГОСПИТАЛЬГЕ БАРЫП, ПРОВИЗОРЛЫ, КҮНДІЗГІ СТАЦИОНАРЛАРДЫ АРАЛАДЫ

    Фариза

    Автокөліктің құжаттарын үйден шықпай-ақ рәсімдеуге болады

    “Қазақ тіліне қастандық бұл, Сағадиев, заң алдында жауап бересің әлі”

    Фариза

    Пікір қалдыру

    twelve − 11 =
    * Используя эту форму, вы соглашаетесь с хранением и обработкой ваших данных на этом веб-сайте.