Заңгер әрі блогер Айгүл Орынбек Арыстағы жағдайдың барлық шенеуніктің бетпердесін шешкенін айтып, әлеуметтік желідегі парақшаларына жазба қалдырды. Тіпті ол Арысқа жиі баратынын айтқан әкімнің сөзін де теріске шығарды.
«Асқар Мырзахметов ағамызды ғана мықты кризис менеджері ретінде мойындайтын едім. Арыстағы жағдай біраз шенеуніктің бетпердесін шешті. Митингіде халықты тыныштандырып жүрген кім? Ұласбек Сәдібекұлы!
Арыс халқын көшіріп, жайғастырып, тамақ таратып жүрген кім? Тағы дк осы кісі», – деген ол Сәбібекұлының құрылыс жұмыстарын да қадағалап жүргенін айтты.
«Тіпті «Арыс қаласын күнде аралап жүрмін» деген әкімінің өзін бүгін әкімдікке іздеп барып, бір сағат күтіп тұрып әрең таптым», – деп жазды ол.
